ACHTERHOEK - De organisatie van de Waeke van het ‘Achterhookse en Liemerse Book’ is weer op zuuk naor mooie streektaalschriefsels. De mooisten wordt publiceerd in Flonkergood, ‘t kadobuukske da’j in de Waeke, begin meert 2027, gratis kriegt biej ankoop van ‘n streek(taal)boek. Dit jaor is ‘t thema ‘t Kon minder. De verhalen en gedichten, in de Achterhookse of Liemerse streektaal, könt töt 31 oktober 2026 wodden in-estuurd.
De Flonkergood 2027 hef as thema ’t Kon minder met-ekregen. Zit relativeren oe in ‘t bloed of he’j door juust ‘n bloedhaekel an? Bun iej iemand dén ‘t aegen succes nuchter afdut met ‘n paar woorden of hol iej neet op met pochen? ‘t Kon minder, dat zeg ok iets aover verwachting en risseltaot. ‘t Thema kan van völle kanten belicht wodden. Wiej kiekt verwachtingsvol uut naor alle fantasierieke of waorgebeurde verhalen en gedichten.
Insturen
Insturen van verhalen en gedichten kan töt 31 oktober 2026. De beste verhalen wordt eplaatst in Flonkergood 2027. ‘n Antal auteurs wordt uut-eneudegd um eur verhaal veur te dragen tiedens de aftrap van de ‘Waeke van het Achterhookse en Liemerse book’, begin meert 2027.
Belangriekste veurwaarden:
- De verhalen bunt eschreven in Achterhoekse of Liemerse streektaal
- Elke deelnemmer mag maximaal twee verhalen/gedichten insturen
- ‘n Verhaal is maximaal 500 woorden. Gedichten max. 24 regels incl. witregels.
Langere teksten wordt neet in behandeling enommen
- Biedragen könt töt uterlek 31 oktober 2026, as word-document, per e-mail worden in-estuurd naar: info@ecal.nu - ‘t Volledege reglement en meer informatie is te vinden op www.ecal.nu/flonkergood
